تنسيق كلية التجارة جامعة أسيوط السنة دى والتقديم على أحد البرامج الخاصة بالكلية 💥
• الحد الادنى للقبول بالكلية:
- الشعبة العلمية :-
انتظام 293 .
انتساب 277 ،
- الشعبة الأدبية :-
انتظام 266 .
انتساب 260 .
• بالنسبة للناس اللى حابة تقدم تجارة انجلش أو BIS أو PPIS
البرامج دى غير خاضعة للتوزيع الجغرافى .
يعنى أى حد يقدر يقدم حتى لو مقبول فى كلية تانى بشرط يكون مستوفى الحد الأدنى للقبول بالكلية اللى ذكرته فوق .
ويكون مستوفى شرط الحد الأدنى للغة الإنجليزية اللى هو 32 درجة (لل 3 برامج) .
• لو الطالب مقبول فى كلية تانى ومستوفى الحد الأدنى للقبول بالكلية عندنا وعايز يحول فعنده طريقتين:
- الطريقة الأولى :-
إلكترونياً من خلال تقليل الاغتراب وده هيفتح من السبت 27/8/2022 وهيستمر لحد الأربعاء 31/8/2022 ،
- الطريقة الثانية :-
ورقياً، ممكن الطالب يجى يقدم عادى جدا حتى لو مقبول فى كلية تانية طالما مستوفى الشروط اللى قولتها فوق.
ولو ربنا كرمه واتقبل عندنا بيعمل تحويل ورقى من خلال المبنى الإدارى للجامعة .
• آلية التقديم :-
خلال فترة التقديم اللى هتبدأ يوم الأحد 28/8/2022 وهتستمر حتى الخميس 8/9/2022 .
هيكون متاح للطالب استمارة رغبات بها 3 رغبات (انجلش و BIS و PPIS) ذى كده .
الطالب هيرتب الرغبات على حسب أولوياته .
طب لو عايز حاجه واحده بس يبقى يكتبها كرغبة أولى ويسيب باقى الرغبات فاضية .
طب لو عايز حاجة من اتنين يبقى هيكتب رغبتين بس على حسب أولوياته وهكذا .
مش شرط تكتب ال 3 رغبات .
علماً بأنه سيكون هناك تنسيق بين ال 3 برامج بخصوص الرغبات والقبول فى أى رغبة .
• طب هروح أقدم فين ؟!
الطالب هيروح يقدم فى مكان تقديم الرغبة الأولى بتاعته .
يعنى لو الطالب عايز BIS كرغبة أولى يبقى يروح يقدم فى BIS فى مدرج (1) جديد .
طب لو الطالب عايز انجلش كرغبة أولى يبقى يروح يقدم فى انجلش فى مدرج (1) لغة .
طب لو الطالب عايز PPIS كرغبة أولى يبقى يروح يقدم فى PPIS فى مدرج (1) قديم .
بعد انتهاء فترة التقديم هيتم فرز الملفات وإعلان قوائم المقبولين .
إرسال تعليق